«Ինտերն» ու «Նապոլին» ոչ ոքիով բաժանվեցին իտալական A Սերիայի 7-րդ տուրում: Միլանում կայացած խաղն ունեցավ չափազանց լարված վերջնամաս եւ ավարտվեց 2:2 հաշվով:
Հանդիպման հաշիվը 79-րդ րոպեին բացեց «Նապոլի» իսպանացի կիսապաշտպան Խոսե Կալյեխոնը, ում գոլին միլանցիները 3 րոպե անց պատասխանեցին կոլումբացի Ֆրեդի Գուարինի դիպուկ հարվածով: 90-րդ րոպեին Կալյեխոնը դարձյալ առաջ մղեց հյուրերին, սակայն բրազիլացի Հերնանեսը վայրկյաններ անց «Ինտերին» փրկեց պարտությունից:
7-րդ տեղում գտնվող «Նապոլին» ունի 13 միավոր, իսկ «Ինտերը»՝ 9:
Իտալիայի առաջնություն, 7-րդ տուր
«Ինտեր» - «Նապոլի»՝ 2:2
Ֆրեդի Գուարին, 82, Հերնանես, 90+1 – Խոսե Կալյեխոն, 79, 90
Հետևեք NEWS.am SPORT-ին Facebook-ում, Twitter և Telegram-ում