Ֆուտբոլի Հայաստանի ազգային հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը, ով վնասվածք էր ստացել Եվրոպայի 2016թ. առաջնության ընտրական փուլի՝ Դանիայի դեմ խաղում, դեռ չի վերսկսել մարզումները, հաղորդում է ՀՖՖ-ի կայքը։
25-ամյա ֆուտբոլիստը հանդիպումից անմիջապես հետո միացել է գերմանական ակումբին, որը սեպտեմբերի 9-ին մարզում է անցկացրել, սակայն բժիշկները չեն թույլատրել կիսապաշտպանին մասնակցել դրան։ Այժմ Մխիթարյանը գտնվում է «Բորուսիայի» բժիշկների վերահսկողության տակ։
Սեպտեմբերի 10-ին նա անցել է դեղորայքային եւ ֆիզիոթերապեւտիկ կուրս, սակայն սեպտեմբերի 11-ին վերջնական բուժումից հետո միայն պարզ կդառնա, թե երբ Հենրիխը կկարողանա վերսկսել մարզումները։
Հետևեք NEWS.am SPORT-ին Facebook-ում, Twitter և Telegram-ում