Մոսկվայի «Սպարտակի» եւ Հայաստանի հավաքականի ֆուտբոլիստներ Յուրա Մովսիսյանի եւ Արաս Օզբիլիսի խաղը գլխավոր մարզիչ Վալերի Կարպինի հեռանալուց հետո NEWS.am Sport-ի համար մեկնաբանել է ռուս հայտնի ֆուտբոլային վերլուծաբան Ալեքսանդր Բուբնովը:
«Սպարտակի» այսօրվա վիճակում հենց Օզբիլիսն ու Մովսիսյանն են, կարելի է ասել, որ միասին լավ են համագործակցում: Յուրան ավելի շատ խաղում է հարձակման սուր ծայրում, իսկ Օզբիլիսը ավելի հետ, բայց չգիտես ինչու նրանք Արասին օգտագործում են եզրերում, որտեղ նա ավելի քիչ արդյունավետ է:
Ձմեռային հավաքներից հետո երկուսն էլ լավ մարզավիճակում են: Յուրան կրկին սկսել է գոլեր խփել:
Արասի խաղը կախված է թիմակիցների գործողություններից: Պետք է նրա հետ բարձրակարգ ֆուտբոլիստներ խաղան, որպեսզի նա ցույց տա իր իրական մակարդակը: Բայց եթե Օզբիլիսին հետեւում են եվրոպական ակումբներից, կարծում եմ՝ նա հեշտ կկարողանա խաղալ այնտեղ. Արասն արդեն Եվրոպայում խաղալու փորձ ունի:
Կարպինի հեռանալը… Ես նրան ընդհանրապես մարզիչ չեմ համարում: Տղաների բախտը չբերեց, որ հենց Կարպինի ժամանակ հայտնվեցին թիմում: Եթե նրանք աշխատեին ավելի լավ մարզիչի հետ, ապա նրանց խաղային որակները ավելի ճիշտ կօգտագործվեին:
«Սպարտակի» ճգնաժամը գալիս է Ֆեդունից: Նա չի կարողանում ճիշտ մարզիչ գտնել: Իսկ թիմի մարզական տնօրեն Ռոման Ասխաբաձեի հետ աշխատելը լրիվ անհեթեթություն է: Եթե չգիտեք, թե նա ով է, փնտրեք տեղեկություն եւ կգտնեք: Ինձ անգամ անհարմար է պատմել, թե ինչերով է նա զբաղվել մինչեւ «Սպարտակի» տնօրեն դառնալը:
Ռուսաստանում այսօր չկան այդպիսի փորձով մարզիչներ, ովքեր կարող են «Սպարտակում» աշխատել: Ռոմանցեւն է, բայց նրան չենք հաշվում»,- ասել է Բուդնովը։
Վերա Մարտիրոսյան
Հետևեք NEWS.am SPORT-ին Facebook-ում, Twitter և Telegram-ում
01:19 , 4 մայիսի 
00:59 , 4 մայիսի 
23:47 , 3 մայիսի 
23:37 , 3 մայիսի 
23:13 , 3 մայիսի 
22:04 , 3 մայիսի 
21:00 , 3 մայիսի 
20:01 , 3 մայիսի 
19:34 , 3 մայիսի 
19:18 , 3 մայիսի 
