Վանիկ Ավետիսյանը` Եվրոպայի փոխչեմպիոն

Հայաստանի ներկայացուցիչ Վանիկ Ավետիսյանը դարձավ ծանրամարտի Եվրոպայի 2014թ. փոխչեմպիոն:

Թել Ավիվում ընթացող ծանրամարտի Եվրոպայի առաջնության 69 կգ քաշային կարգում հայ ծանրորդը երկամարտի 315 կգ (140+175) արդյունքով գրավեց երկրորդ տեղը: Պոկում վարժությունում Ավետիսյանը 5-րդն էր, իսկ պոկումում՝ երկրորդը: Եվրոպայի չեմպիոնի տիտղոսը նվաճեց ռուս Օլեգ Չենը, ով երկամարտում հավաքեց 327 կգ (151+176):

Սա Հայաստանի երկրորդ մեդալն էր Թել Ավիվում: Մրցումների առաջին օրը 56 կգ քաշային Սմբատ Մարգարյանը նվաճել էր բրոնզե մեդալ, իսկ 48 կգ քաշային Էլեն Գրիգորյանը զբաղեցրել էր 10-րդ տեղը: Կանանց Հայաստանի չեմպիոն Աննա Գովելյանը 53 կգ քաշային կարգում ապրիլի 6-ին ցուցադրել էր 5-րդ արդյունքը:

Հետևեք NEWS.am SPORT-ին Facebook-ում, Twitter և Telegram-ում