Վատ խաղ չցուցադրեցին Ղազարյանը եւ Մովսիսյանը: Մխիթարյանը շատ էր տեղաշարժվում, սակայն նրա խաղը չստացվեց, NEWS.am Sport-ի թղթակցի հետ զրույցում ասել է Cпорт-Экспресс-ի գլխավոր խմբագրի տեղակալ Արտուշ Մկրտչյանը, ով ներկա էր Ռուսաստանի – Հայաստան ընկերական խաղին եւ կիսվեց իր տպավորություններով։
«Առաջին անգամ չէ, որ տեսնում ենք՝ տարվա առաջին ընկերական խաղում Հայաստանի ազգային հավաքականը պատրաստ չէ. շատ ֆուտբոլիստներ, առհասարակ, լավ ֆիզիկական մարզավիճակում չէին:
Ռուսաստանի հավաքականն ավելի հավաքված մոտեցավ խաղին, քանի որ այն շուտով պետք է մասնակցի աշխարհի առաջնությանը: Իսկ Հայաստանի հավաքականում մարզիչի փոփոխություն էր: Ամենից անհաջողը ոչ թե հավաքականի մեղմ ասած թույլ խաղն էր, այլ այն, որ շատ ֆուտբոլիստներ հարմար խաղակոշիկներ չէին ընտրել եւ անընդհատ ընկնում էին: Անգամ չգիտեմ՝ ինչ ասեմ այդ թյուրիմացության վերաբերյալ:
Վատ խաղ չցուցադրեցին Ղազարյանն ու Մովսիսյանը: Մխիթարյանը շատ էր տեղաշարժվում, սակայն նրա խաղը չստացվեց: Լավագույնը, անկասկած, Ռոման Բերեզովսկին էր: Ավագն այս տարի դառնում է 40 տարեկան, բայց նա պրոֆեսիոնալիզմի օրինակ է: «Դինամոն» դեռ չի սկսել մրցաշրջանը, սակայն Ռոմանը հարյուր տոկոսով պատրաստ է:
Հեռու գնացող կարծիքներ անել պետք չէ: Բեռնար Շալանդն ամբողջ ժամանակ թիմի կողքին էր: Նա ծանոթացավ, տեսավ թիմի խնդիրները եւ հաջորդ խաղից կսկսի դրանք լուծել: Բոլորս քաջատեղյակ ենք այդ խնդիրների մասին: Պաշտպանության հետ պետք է ինչ-որ բան անել»,- ասել է Մկրտչյանը:
Վերա Մարտիրոսյան
Հետևեք NEWS.am SPORT-ին Facebook-ում, Twitter և Telegram-ում
01:19 , 4 մայիսի 
00:59 , 4 մայիսի 
23:47 , 3 մայիսի 
23:37 , 3 մայիսի 
23:13 , 3 մայիսի 
22:04 , 3 մայիսի 
21:00 , 3 մայիսի 
20:01 , 3 մայիսի 
19:34 , 3 մայիսի 
19:18 , 3 մայիսի 
