Ալմա Աթիում ընթացող «Ղազախստանի նախագահի գավաթի» մրցաշարի երկրորդ խաղային օրը ֆուտբոլի Հայաստանի մինչեւ 17 տարեկանների հավաքականը 4:2 հաշվով առավելության է հասել Թուրքմենստանի նկատմամբ:
Հայկական թիմի կազմում մեկական գնդակ են խփել Օրբելի Համբարձումյանը («Ուլիս»), Արամ Սարգսյանը («Բանանց»), Ալիկ Առաքելյանը («Միկա») եւ Էդուարդ Ավագյանը («Բանանց»):
Հիշեցնենք, որ առաջին տուրում Ռոման Սիմոնյանի թիմը 0:5 հաշվով պարտվել էր Հունգարիայի հավաքականին:
Մայիսի 1-ին Հայաստանի մինչեւ 17 տարեկանների հավաքականի մրցակիցը կլինի Ղազախստանի հավաքականը, որը երկրորդ խաղում նվազագույն հաշվով պարտվել է Հունգարիայի թիմին:
Հետևեք NEWS.am SPORT-ին Facebook-ում, Twitter և Telegram-ում