Անգլիական «Մանչեսթեր Յունայթեդի» ֆուտբոլիստներն ակումբի հետ նոր պայմանագիր կկնքեն միայն այն դեպքում, երբ կիմանան, թե մինչեւ երբ է Ալեքս Ֆերգյուսոնը պատրաստվում մնալ մանկխունիական ակումբում:
Փետրվարի սկզբին Ֆերգյուսոնը հայտարարել էր, որ դեռեւս 2-3 տարի չի պատրաստվում հեռանալ զբաղեցրած պաշտոնից:
Բացի այդ, շոտլանդացի մասնագետը ցանկանում է մարզչական կարիերան ավարտելուց հետո մնալ «Մանչեսթեր Յունայթեդի» համակարգում, որպեսզի թիմին օգնի ճիշտ ընտրություն կատարել իրեն փոխարինող գտնելու գործում, հաղորդում է The Telegraph-ը:
Radio 5 Live-ին տված հարցազրույցում Սեր Ալեքսը խոստովանել է, որ իր կարիերայի ավարտելու մասին խոսակցությունները բացասաբար են ազդում թիմի ֆուտբոլիստների նոր պայմանագիր ստորագրելուն:
«Նրանք բոլորը հարցնում են: Ֆուտբոլիստներն ու նրանց գործակալներն ակումբի գործադիր տնօրենին հարցնում եմ իմ առաջիկա ծրագրերի մասին, եւ Դեւիդ Գիլը պատասխանում է, որ Սեր Ալեքսը դեռեւս չի պատրաստվում թոշակի գնալ: Դա այն հարցը չէ, որին մենք կարող ենք ճիշտ պատասխան տալ, քանի որ չգիտենք, թե ինչ կլինի առաջիկայում: Մենք երբեք չենք քննարկել, թե ով է փոխարինելու ինձ: Մեզ պետք այնպիսի մեկը, ով ակումբում աշխատելու փորձ կունենա»,- հայտարարել է Ֆերգյուսոնը:
Հետևեք NEWS.am SPORT-ին Facebook-ում, Twitter և Telegram-ում
01:27 , 3 մայիսի 
01:03 , 3 մայիսի 
00:56 , 3 մայիսի 
00:27 , 3 մայիսի 
23:12 , 2 մայիսի 
22:41 , 2 մայիսի 
22:08 , 2 մայիսի 
21:31 , 2 մայիսի 
21:07 , 2 մայիսի 
20:41 , 2 մայիսի 
