Եվրոպական բուքմեյքերական ընկերությունները վստահ են, որ կատալոնական «Բարսելոնան» Չեմպիոնների լիգայի եզրափակիչի ուղեգիր ձեռք կբերի: Կիսաեզրափակիչի առաջին խաղում Խոսեպ Գվարդիոլայի թիմը նվազագույն հաշվով պարտվել է Լոնդոնի «Չելսիին»:
Կատալոնական ակումբի եզրափակիչ դուրս գալու հնարավորությունը գնահատվում է 1.4 գործակցով, իսկ լոնդոնցիներինը՝ 2,7:
Կիսաեզրափակիչի պատասխան խաղում «Բարսելոնայի» հաղթանակն ունի 1.25 գործակից, «Չելսիինը»՝ 10, իսկ ոչ ոքիի գործակիցը 6.5 է:
Հիշեցնենք, որ հանդիպումը կկայանա այսօր՝ ապրիլի 24-ին, Բարսելոնայի «Կամպ Նոու» ստադիոնում:
Հետևեք NEWS.am SPORT-ին Facebook-ում, Twitter և Telegram-ում