Չեմ պատրաստվում տեղափոխվել այլ ակումբ, NEWS.am Sport-ի թղթակցի հետ զրուցում ասաց Եկատերինբուրգի «Ուրալի» եւ Հայաստանի հավաքականի հարձակվող Արթուր Սարկիսովը: 26-ամյա ֆուտբոլիստը մենկանաբել է ղազախական Sports.kz-ի տարածած տեղեկությունը, թե ինքն ու «Կրասնոդարի» կիսապաշտպան Մարկոս Պիզելին կարող են տեղափոխվել ղազախական «Ակտոբե»:
«Այդ լուրերը չեն համապատասխանում իրականությանը: Ես ոչ մի տեղ չեմ պատրաստվում տեղափոխվել: Ինքս էլ կցանկանայի իմանալ, թե որտեղից են հայտնվել այդ լուրերը»,- զրույցում ասաց Սարկիսովը:
Հիշեցնենք, որ Արթուր Սարկիոսվը 2013-ի ամռանն է տեղափոխվել «Ուրալ», որի կազմում Ռուսաստանի ընթացիկ առաջնությունում մասնակցել է 11 խաղի՝ խփելով մեկ գոլ:
Վերա Մարտիոսյան
Հետևեք NEWS.am SPORT-ին Facebook-ում, Twitter և Telegram-ում