Կոչ կանեմ ֆուբոլասերներին վատ չտրամադրվել բուլղարացիների հանդեպ, Հայաստանի ազգային հավաքականի մարզումից հետո լրագրողների հետ զրույցում ասաց Հայաստանի ազգային հավաքականի եւ «Բանանցում» վարձավճարով հանդես եկող Պլզենի «Վիկտորիայի» կիսապաշտպան էդգար Մալաքյանը:
Հայաստանի հավաքականը Ավանի ֆուտբոլային ակադեմիայում պատրաստվում է Բուլղարիայի եւ Իտալիայի հավաքականների դեմ աշխարհի առաջնության ընտրական մրցաշարի վերջին հանդիպումներին:
«Մեր սպասելիքները դրական են: Այո, մենք տանը հաղթանակներ չենք տոնել, բայց պետք է ամեն բան անենք, որպեսզի վերջին խաղերում հաղթանակ տանենք: Տեսականորեն մենք դեռ խմբից դուրս գալու հնարավորություններ ունենք: Ճիշտ է, ամեն բան կախված է լինելու նաև մյուս խաղերի արդյունքներից, բայց մենք դեռ հույս ունենք: Թիմում շատ ջերմ մթնոլորտ է: Պատրաստվում ենք խաղին: Այսօր մարզման առաջին օրն էր:
Կոչ կանեմ ֆուբոլասերներին վատ չտրամադրվել բուլղարացիների հանդեպ: Ինչ եղել է, դա ֆուտբոլում պատահում է»,- ասել է Էդգար Մալաքյանը:
Հիշեցնենք, որ Սոֆիայում Հայաստանի հավաքականը պարտվել է 0:1 հաշվով:
Հայաստան - Բուլղարիա հանդիպումը տեղի կունենա հոկտեմբերի 11-ին Երեւանի «Հանրապետական» ստադիոնում, Իտալիա - Հայաստան խաղը հոկտեմբերի 15-ին Նեապոլում է: B խմբում իտալացիներն ապահովել են առաջին տեղը, Բուլղարիան երկրորդն է, Հայաստանը՝ նախավերջինը:
Վերա Մարտիրոսյան
Ֆոտո՝ Արսեն Սարգսյանի
Հետևեք NEWS.am SPORT-ին Facebook-ում, Twitter և Telegram-ում
01:19 , 4 մայիսի 
00:59 , 4 մայիսի 
23:47 , 3 մայիսի 
23:37 , 3 մայիսի 
23:13 , 3 մայիսի 
22:04 , 3 մայիսի 
21:00 , 3 մայիսի 
20:01 , 3 մայիսի 
19:34 , 3 մայիսի 
19:18 , 3 մայիսի 
