Այսօր վնասվածքները շատ խանգարեցին մեզ, ասել է Մոսկվայի «Սպարտակի» գլխավոր մարզիչ Վալերի Կարպինը: Ապրիլի 21-ին կայացած ԲԿՄԱ – «Սպարտակ» (2:2) խաղից հետո ռուս մասնագետը կիսվել է տպավորություններով:
«Ցավալի է, որ 2:0 հաշվից հետո չկարողացանք հաղթանակով ավարտել խաղը: Վնասվածքները շատ խանգարեցին: Եթե չլինեին հարկադրված փոխարինումները, խաղն այլ ընթացք կստանար: Երկրպագուների ներկայությունն օգնում եւ ոգեւորում է ֆուտբոլիստներին»,- Կարպինի խոսքը մեջբերում է «Սպորտ Էքսպրեսը»:
Հիշեցնենք, որ ԲԿՄԱ-ի հետ խաղում Յուրա Մովսիսյանը «Սպարտակի» մեկնարկային կազմում էր, բայց ընդմիջումից անմիջապես հետո վնասվածքի պատճառով լքեց խաղադաշտը:
Հետևեք NEWS.am SPORT-ին Facebook-ում, Twitter և Telegram-ում