Ժորա Հովհաննիսյանն ու Արամ Բաբայանը կխաղան Ասիայի Չեմպիոնների լիգայում

Ֆուտբոլի Հայաստանի երիտասարդական հավաքականի, Երեւանի «Փյունիկի» եւ հունական «Օլիմպիակոսի» նախկին կիսապաշտպան Ժորա Հովհաննիսյանը Տաշքենդի «Պախտակորի» կազմում հայտավորվել է Ասիայի Չեմպիոնների լիգայի 2013թ․ մրցաշարին։

«Պախտակորի» հայտացուցակը բաղկացած է 30 ֆուտբոլիստներից։ Ժորա Հովհաննիսյանից բացի, հայտավորվել է նաեւ Արամ Բաբայանը։ Հովհաննիսյանը կխաղա 10 համարի մարզաշապիկով, իսկ Բաբայանը՝ 17։

Ասիայի Չեմպիոնների լիգայում «Պախտակորի» մեկնարկային խաղը կկայանա փետրվարի 26-ին, փոխանցմում է ակումբի պաշտոնական կայքը։

Հիշեցնենք, որ Ուզբեկստանի նախորդ առաջնությունում Ժորա Հովհաննսիսյանը խաղում էր Տաշքենդի «Լոկոմոտիվում» եւ ճանաչվել է 2012թ. լավագույն լեգեոնական: 

Հետևեք NEWS.am SPORT-ին Facebook-ում, Twitter և Telegram-ում