ԵԱ․ Հայ շախմատիստուհիների արդյունքները չորրորդ տուրում

Հունաստանում անցկացվող շախմատի կանանց Եվրոպայի անհատական առաջնության չորրորդ տուրում Հայաստանի չորս ներկայացուցիչներից հաղթեց միայն Սուսաննա Գաբոյանը, որի մրցակիցն էր աշխարհի ու Եվրոպայի նախկին չեմպիոն, բուլղարացի Անտոանետա Ստեֆանովան:

Էլինա Դանիելյանը պարտվեց իսրայելցի Ռոնիտ Լեւիտանին: Լիլիթ Մկրտչյանը ոչ ոքի խաղաց ադրբեջանցի Այան Ալահվերդիեւայի, Մարիամ Մկրտչյանը՝ հունգարացի Սուզաննա Տերբեի հետ:

Լիլիթ Մկրտչյանն ու Սուսաննա Գաբոյանը 2,5-ական միավորով բաժանում են 38-71-րդ տեղերը, Էլինա Դանիելյանն ու Մարիամ Մկրտչյանը 2-ական միավորով բաժանում են 72-116-րդ տեղերը։

Առաջնությունում շվեյցարական մրցակարգով կանցկացվի 10 տուր: Մրցանակային հիմնադրամը 60 հազար եվրո է։

Առաջնությունը նաև ընտրական է կանանց աշխարհի գավաթի խաղարկության  համար: Նախնական տվյալներով՝ մասնակցության իրավունք կստանան առնվազն 10 շախմատիստուհիներ:

Եվրոպայի առաջնությունը կավարտվի ապրիլի 29-ին:

Հետևեք NEWS.am SPORT-ին Facebook-ում, Twitter և Telegram-ում