Անգլիայի չեմպիոն «Մանչեսթեր Սիթին» ու Իսպանիայի փոխչեմպիոն Մադրիդի «Ռեալը» դուրս եկան Չեմպիոնների լիգայի քառորդ եզրափակիչ։
Տիտղոսը պաշտպանող «Մանչեսթեր Սիթին» 1/8 եզրափակիչի պատասխան խաղում ընդունեց դանիական «Կոպենհագենին»։ Կատալոնացի Խոսեպ Գվարդիոլայի գլխավորած թիմն առավելության հասավ 3:1 հաշվով։
Արդեն 5-րդ րոպեին հանդիպման հաշիվը բացեց «Մանչեսթեր Սիթիի» շվեյցարացի պաշտպան Մանուել Ականջին (տեսանյութ)։ 9-րդ րոպեին արգենտինացի կիսապաշտպան Խուլիան Ալվարեսը կրկնապատկեց դաշտի տերերի առավելությունը (տեսանյութ)։
29-րդ րոպեին «Կոպենհագենի» հարձակվող, Նորվեգիան ներկայացնող Մոհամեդ Էլյունուսին (տեսանյութ) կրճատեց հաշվի տարբերությունը։
Առաջին խաղակեսի ավելացված երրորդ րոպեին հաշիվը 3:1 դարձրեց մանչեսթերյան թիմի նորվեգացի հարձակվող Էրլինգ Հոլանդը (տեսանյութ)։
Դանիայում տեղի ունեցած առաջին խաղում եւս «Մանչեսթեր Սիթին» հաղթել էր 3:1 հաշվով։
Օրվա մյուս խաղում Մադրիդի «Ռեալը» սեփական խաղադաշտում մրցեց գերմանական «ՌԲ Լայպցիգի» հետ։ Գրանցվեց ոչ ոքի՝ 1:1:
65-րդ րոպեին Արքայական թիմի բրազիլացի հարձակվող Վինիսիուս Ժունիորն օգտվեց անգլիացի կիսապաշտպան Ջուդ Բելինգեմի փոխանցումից՝ բացելով հանդիպման հաշիվը (տեսանյութ)։
68-րդ րոպեին հավասարությունը վերականգնեց հյուրերի հունգարացի պաշտպան Վիլի Օրբանը (տեսանյութ)։
«Ռեալը» քառորդ եզրափակիչ դուրս եկավ առաջին խաղում 1:0 հաշվով հաղթանակի շնորհիվ։
Նախորդը օրը քառորդ եզրափակիչի ուղեգրեր էին նվաճել Ֆրանսիայի չեմպիոն ՊՍԺ-ն եւ Գերմանիայի չեմպիոն Մյունխենի «Բավարիան»։
4/8 teams confirmed...
— UEFA Champions League (@ChampionsLeague) March 6, 2024
Quarter-finals loading #UCL pic.twitter.com/V7Xhz79ufX
Հետևեք NEWS.am SPORT-ին Facebook-ում, Twitter և Telegram-ում