ՉԼ․ Չիրո Իմոբիլեն՝ շաբաթվա լավագույն խաղացող

Չեմպիոնների լիգայի խմբային մրցաշարի նախավերջին տուրի հանդիպումների արդյունքում՝ շաբաթվա լավագույն ֆուտբոլիստ է ճանաչվել հռոմեական «Լացիոյի» իտալացի հարձակվող Չիրո Իմոբիլեն, որը դուբլի հեղինակ էր դարձել շոտլանդական «Սելթիկի» դեմ խաղում։ «Լացիոն» հաղթել էր 2:0 հաշվով եւ ապահովել 1/8 եզրափակիչի ուղեգիր։

Մրցանակին հավակնում էին նաեւ Անգլիայի չեմպիոն, գավաթակիր, Չեմպիոնների լիգայի գավաթակիր, Եվրոպայի սուպերգավաթակիր «Մանչեսթեր Սիթիի» անգլիացի կիսապաշտպան Ֆիլ Ֆոդենը, որը մեկ գոլի եւ երկու գոլային փոխանցման հեղինակ էր դարձել գերմանական «Լայպցիգի» դեմ խաղում (3:2),

Անգլիայի «Մանչեսթեր Յունայթեդի» դեմ խաղում (3:3) 2 գոլ խփած եւ 1 գոլային փոխանցում կատարած մարոկկացի կիսապաշտպան Հակիմ Զիեշը («Գալաթասարայ»),

Իտալիայի գավաթակիր եւ սուպերգավաթակիր Միլանի «Ինտեր» դեմ խաղում (3:3) հեթ-տրիկի հեղինակ դարձած պորտուգալացի կիսապաշտպան Ժոաու Մարիուն («Բենֆիկա»)։

Հետևեք NEWS.am SPORT-ին Facebook-ում, Twitter և Telegram-ում