Պորտուգալական «Պորտուի» հարձակվող Գալենոն ճանաչվել է շաբաթվա լավագույն խաղացող Չեմպիոնների լիգայի առաջին տուրի հանդիպումների արդյունքում, հաղորդում է ՈւԵՖԱ-ի մամուլի ծառայությունը։
Ուկրաինական «Շախտյորի» դեմ խաղում 25-ամյա բրազիլացի ֆուտբոլիստը դարձել է 2 գոլի եւ 1 գոլային փոխանցման հեղինակ, «Պորտուն» հաղթել էր 3:1 հաշվով։
Լավագույն խաղացողի մրցանակին հավակնում էին նաեւ պորտուգալացի Ժոաու Ֆելիշը («Բարսելոնա»), անգլիացի Ջուդ Բելինգեմը («Ռեալ Մադրիդ») եւ նորվեգացի Մարտին Էդեգորը («Արսենալ»)։
Ընթացիկ մրցաշրջանում Գալենոն «Պորտուի» հետ բոլոր մրցաշարերում մասնակցել է 7 հանդիպման, խփել է 3 գոլ, կատարել 2 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում