Աշխարհի 134-րդ ռակետ, ռուսաստանցի Էլինա Ավանեսյանը չկարողացավ դուրս գալ թենիսի Ֆրանսիայի բաց առաջնության հիմնական փուլ։
Որակավորման փուլի եզրափակիչում 20-ամյա հայ թենիսիստուհին մրցեց աշխարհի 138-րդ ռակետ, 23-ամյա ամերիկացի Քայլա Դեյի հետ եւ պարտություն կրեց երրորդ սեթի թայ-բրեյքում։
Առաջին սեթում Էլինա Ավանեսյանը հաղթեց 7:5 հաշվով, երկրորդ սեթում պարտվեց 4:6 հաշվով։ Երրորդ սեթում Դեյն առավելության հասավ 7:6 (10:7) հաշվով։ Պայքարը տեւեց 3 ժամ եւ 9 րոպե։
«Ռոլան Գարոսի» հիմնական փուլը կմեկնարկի մայիսի 28-ին։
Հետևեք NEWS.am SPORT-ին Facebook-ում, Twitter և Telegram-ում