«Մանչեսթեր Յունայթեդը» դուրս եկավ Անգլիական լիգայի գավաթի խաղարկության եզրափակիչ։
Հոլանդացի Էրիկ տեն Հագի գլխավորած թիմը պատասխան խաղում «Նոթինգեմ Ֆորեսթին» հաղթեց 2:0 հաշվով (տեսանյութ) ֆրանսիացի հարձակվող Անտոնի Մարտիալի (73-րդ րոպեին) եւ բրազիլացի կիսապաշտպան Ֆրեդի (76-րդ րոպեին) գոլերի շնորհիվ։ Երկուսին էլ գոլային փոխանցում կատարեց անգլիացի հարձակվող Մարկուս Ռեշֆորդը։
Առաջին խաղում «Մանչեսթեր Յունայթեդն» առավելության էր հասել 3:0 հաշվով։
Եզրափակիչում մանչեսթերյան թիմի մրցակիցը կլինի «Նյուքասլ Յունայթեդը», որը պայքարից դուրս էր թողել «Սաութհեմփթոնին»։
Հետևեք NEWS.am SPORT-ին Facebook-ում, Twitter և Telegram-ում