«Բարսելոնայի» նորեկ Կեւին-Պրինս Բոատենգի տունը թալանել են փետրվարի 16-ին, հաղորդում է Mundo Deportivo-ը:
Կողոպուտը տեղի է ունեցել այն պահին, երբ գանացի հարձակվողը կատալոնական ակումբի կազմում մասնակցում էր «Վալյադոլիդի» դեմ իսպանական Պրիմերայի 24-րդ տուրի խաղին: 31-ամյա Բոատենգի տանից գողացել են 300 հազար եվրոյի թանկարժեք իրեր:
Հիշեցնենք, որ «Վալյադոլիդի» դեմ տնային խաղում Բոատենգը հանդես էր եկել մեկնարկային կազմում եւ փոխարինվել 60-րդ րոպեին: Նա այս ձմռանն իտալական «Սասուոլոյից» վարձակալությամբ է տեղափոխվել «Բարսելոնա»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։