Լյակազեթը ներողություն է խնդրել ԲԱՏԷ-ի դեմ խաղում կարմիր քարտի համար
23:44 15 փետրվարի, 2019Լոնդոնի «Արսենալի» ֆրանսիացի հարձակվող Ալեքսանդր Լյակազեթը ներողություն է խնդրել Բելառուսի չեմպիոն Բորիսովի ԲԱՏԷ-ի դեմ ֆուտբոլի Եվրոպայի լիգայի 1/16 եզրափակիչի առաջին խաղի 85-րդ րոպեին ստացած կարմիր քարտի համար:
«Ներողություն եմ խնդրում, որ հուսախաբ արեցի թիմին: Առջեւում ունենք 90 րոպե: Հավատում եմ, որ թիմակիցներս «Արսենալին» դուրս կբերեն հաջորդ փուլ»,- Լյակազեթի խոսքը մեջբերում է «Արսենալի» կայքը:
Հիշեցնենք, որ Բորիսովում կայացած 1/16 եզրափակիչի առաջին խաղում «Արսենալը» պարտվել էր նվազագույն հաշվով: Հայաստանի հավաքականի 30-ամյա կիսապաշտպան Հենրիխ Մխիթարյանն անգլիական ակումբի մեկնարկային կազմում հանդես էր եկել առանց փոխարինման։ Պատասխան հանդիպումը տեղի կունենա փետրվարի 21-ին Լոնդոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։