ԲԱՏԷ-ի 33-ամյա կիսապաշտպանն ամենաշատ գոլային փոխանցումն է կատարել Եվրոպայի լիգայում
10:11 15 փետրվարի, 2019Բելառուսի չեմպիոն Բորիսովի ԲԱՏԷ-ի կիսապաշտպան Իգոր Ստասեւիչը Լոնդոնի «Արսենալի» դեմ նախօրեին կայացած խաղում 7-րդ գոլային փոխանցում է կատարել ֆուտբոլի Եվրոպայի լիգայի ընթացիկ մրցաշարում:
Այդ ցուցանիշով 33-ամյա բելառուս ֆուտբոլիստն առաջին տեղում է եւ մոտակա հետապնդողներից առաջ է 3-ական գոլային փոխանցում: Եվրոպայի լիգայի ընթացիկ մրցաշարում Ստասեւիչը մասնակցել է 7 հանդիպման:
Հիշեցնենք, որ Բորիսովում կայացած 1/16 եզրափակիչի առաջին խաղում «Արսենալը» պարտվել էր նվազագույն հաշվով: Հայաստանի հավաքականի 30-ամյա կիսապաշտպան Հենրիխ Մխիթարյանն անգլիական ակումբի մեկնարկային կազմում հանդես էր եկել առանց փոխարինման։ Պատասխան հանդիպումը տեղի կունենա փետրվարի 21-ին Լոնդոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։