ՖԻՖԱ. Հայաստանի հավաքականի դիրքն անփոփոխ է

14:02   7 փետրվարի, 2019

Հայաստանի ազգային հավաքականը Ֆուտբոլի միջազգային ֆեդերացիայի (ՖԻՖԱ) դասակարգման աղյուսակում պահպանել է 101-րդ տեղը:

Նախորդ հրապարակումից հետո Արմեն Գյուլբուդաղյանցի գլխավորած թիմը հանդիպում չի անցկացրել եւ ունի 1222 վարկանիշային միավոր: Նույնքան միավոր ունի նաեւ Մավրիտանիայի հավաքականը:

ՖԻՖԱ-ի դասակարգման լավագույն տասնյակում եւս փոփոխություններ չկան: Առաջատարն է Բելգիայի հավաքականը, որին հաջորդում է աշխարհի նորընծա չեմպիոն Ֆրանսիան, իսկ բրազիլացիները երրորդն են: Լավագույն տասնյակում են նաեւ աշխարհի փոխչեմպիոն Խորվաթիան, Անգլիան, Պորտուգալիան, Ուրուգվայը, Շվեյցարիան, Իսպանիան ու Դանիան, իսկ Արգենտինան 11-րդն է:

Եվրո-2020-ի ընտրական փուլում Հայաստանի հավաքականի մրցակիցներից Իտալիան 18-րդն է, Բոսնիա եւ Հերցեգովինան՝ 35-րդը, Հունաստանը՝ 45-րդը, Ֆինլանդիան՝ 59-րդը, իսկ Լիխտենշտեյնը՝ 181-րդը:

Հիշեցնենք, որ հայկական թիմը Եվրոպայի առաջնության ընտրական փուլում կմեկնարկի 2019 թվականի մարտի 23-ին՝ հյուրընկալվելով բոսնիացիներին (խաղացանկ):



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.