Հայաստանի առաջատար գեղասահորդները մեկնարկում են Եվրոպայի առաջնությունում

09:50   23 հունվարի, 2019

Մինսկում հունվարի 23-27-ն անցկացվող գեղասահքի Եվրոպայի առաջնությունում Հայաստանն ունի 2 ներկայացուցիչ՝ Սլավիկ Հայրապետյանը եւ Անաստասիա Գալուստյանը:

Առաջինը պայքարի մեջ կմտնի Գալուստյանը, որը հունվարի 23-ին հանդես կգա կարճ ծրագրում: Կանանց մենասահքի ազատ ծրագրի մրցումը տեղի կունենա հունվարի 25-ին:

Սլավիկ Հայրապետյանը կարճ ծրագրով կմեկնարկի հունվարի 24-ին: Տղամարդկանց ազատ ծրագիրը հունվարի 26-ին է:

Նախորդ տարի Մոսկվայում կայացած Եվրոպայի առաջնությունում Սլավիկ Հայրապետյանը գրավել էր 15-րդ տեղը, իսկ Անաստասիա Գալուստյանը տեւական ժամանակ հանդես չի եկել խոշոր մրցաշարերում:

Մենասահքում տղամարդկանց Եվրոպայի գործող չեմպիոնն իսպանացի Խավյեր Ֆերնանդեսն է, իսկ կանանց չեմպիոնը՝ ռուս Ալինա Զագիտովան:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։