Մարադոնա. Մոուրինյոն աշխարհի լավագույն մարզիչն է
12:35 14 նոյեմբերի, 2018Արգենտինացի լեգենդար ֆուտբոլիստ Դիեգո Մարադոնան գովեստի խոսքեր է ասել անգլիական «Մանչեսթեր Յունայթեդը» գլխավորող Ժոզե Մոուրինյոյի հասցեին, ինչպես նաեւ անդրադարձել է Մադրիդի «Ռեալի» նորանշանակ գլխավոր մարզիչ Սանտյագո Սլորաիին:
«Կցանկանայի մարզել Իսպանիայում, սակայն դա պետք է լինի երկարաժամկետ ծրագիր: Ես պետք է շատ բան սովորեմ եւ կարծում եմ, որ դրա համար պետք է մեկնեմ Մանչեսթեր ու հարցնեմ Մոուրինյոյին: Ինչո՞ւ Ժոզեին, որովհետեւ նա լավագույնն է՝ առանց որեւէ կասկածի:
Սանտյագո Սլորաիի մասին կասեմ, որ նա Արգենտինայի հավաքականում աշխատող Լիոնել Սկալոնիի պես չունի թիմում բավականաչափ աջակցություն: Կարծում եմ, որ նրանք երկար չեն մնա այդ պաշտոններում: Մարզիչներն ունեն որոշակի մարզչական կյանք, որը երկար չի լինի նրանց մոտ»,- Արգենտինայի հավաքականի նախկին գլխավոր մարզիչի խոսքը մեջբերում է Marca-ն:
Հիշեցնենք, որ Սանտյագո Սոլարին նախօրեին հաստատվել էր «Ռեալը» գլխավոր մարզիչի պաշտոնում եւ կնքել պայմանագիրը, որը նախատեսված է մինչեւ 2021 թվականը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։