Մ-23 ԱԱ. Հայաստանի 2 ըմբիշներ կշարունակեն պայքարը բրոնզե մեդալների համար
00:37 14 նոյեմբերի, 2018Ռումինիայի մայրաքաղաք Բուխարեստում անցկացվող հունահռոմեական ոճի ըմբշամարտի աշխարհի մինչեւ 23 տարեկանների առաջնությունում Հայաստանի ներկայացուցիչ Նորայր Հախոյանը (55 կգ) բրոնզե մեդալի համար գոտեմարտում 3:7 հաշվով պարտվել է Ղրղզստանի ներկայացուցիչ Բալբայ Դորդոկովին: Դրանից առաջ հայ ըմբիշը սփոփիչ գոտեմարտում 6:0 հաշվով հաղթել էր բուլղարացի Նեդյալկո Պետրովին:
Գեղամ Թորգոմյանը (82 կգ) 1/8 եզրափակիչում 2:10 հաշվով պարտվել է ռումինացի Նիկու Սամուել Օյոգին, որը հասել է եզրափակիչ, եւ հայ ըմբիշը նոյեմբերի 14-ին սփոփիչ գոտեմարտում կշարունակի պայքարը բրոնզե մեդալի համար գոտեմարտի մասնակցելու համար:
Բրոնզե մեդալի համար պայքարը կշարունակի նաեւ Արմեն Մելիքյանը (60 կգ): Նա 1/8 եզրափակիչում 6:9 հաշվով պարտվել է ճապոնացի Կենիչիրո Ֆումիտային, որը դուրս է եկել եզրափակիչ:
Արմեն Հակոբյանը (72 կգ) քառորդ եզրափակիչում պարտվել է ուկրաինացի Արթուր Պոլիտաեւին՝ 1:6: Հայ ըմբիշի մրցակիցը եզրափակիչ դուրս չի եկել:
Հիշեցնենք, որ Սլավիկ Գալստյանը (63 կգ) եւ Սերյոժա Բերնեցյանը (77 կգ) պարտություն էին կրել նախօրեին եւ լքել պայքարը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։