Հայաստանի հավաքական վերադարձած ամերիկյան «Չիկագո Ֆայրի» հարձակվող Յուրա Մովսիսյանը Երեւանում հանդիպել է ՀՖՖ նորընտիր նախագահ Արթուր Վանեցյանի հետ:
«Հայաստանում ամեն ինչն ես կարոտում, այդպիսի բան չկա, որ կարոտած չլինեմ: Երկու տարուց ավելի է չէի եղել, նախորդ անգամ եղբորս հարսանիքին էի եղել Գյումրիում: Բոլորն էլ տեսնում էին, որ դժվար ժամանակներ են ֆուտբոլիստների համար: Ինձ համար շատ դժվար է եղել հանդիպումները դիտելը: Գիտեմ բոլոր ֆուտբոլիստների ապրումները, գիտեմ՝ ինչքան դժվար է եղել:
Ֆուտբոլիստների համար ամենակարեւորը երկրպագուների աջակցությունն է: Այդ երազանքով եմ եկել, որ նորից մեր երկրպագուներին կտեսնենք ստադիոնում: Եվ դա նորից կոգեւորի, ուժ կտա բոլորիս»,- ասել է Յուրա Մովսիսյանը:
Հիշեցնենք, որ 31-ամյա հարձակվողը հրավիրվել է Հայաստանի հավաքական՝ մասնակցելու Ջիբրալթարի (հոկտեմբերի 13-ին) ու Մակեդոնիայի (հոկտեմբերի 16-ին) դեմ Ազգերի լիգայի խաղերին:
Այս հանգստյան օրերին նա «Չիկագո Ֆայրի» կազմում մասնակցել էր «Դի Սի Յունայթեդի» դեմ MLS-ի կանոնավոր առաջնության խաղին, որում փոխարինման էր դուրս եկել 73-րդ րոպեին:
Յուրա Մովսիսյանը 2010-2015-ը Հայաստանի հավաքականի կազմում անցկացրել է 35 հանդիպում եւ դարձել 10 գոլի հեղինակ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։