MLS-ի կանոնավոր առաջնության հերթական տուրում «Չիկագո Ֆայրը» հյուրընկալվելիս 1:2 հաշվով պարտվեց «Դի Սի Յունայթեդին», որի կազմում դուբլի հեղինակ դարձավ Անգլիայի հավաքականի եւ «Մանչեսթեր Յունայթեդի» նախկին հարձակվող Ուեյն Ռունին:
Հայաստանի ազգային հավաքականի հարձակվող Յուրա Մովսիսյանը «Չիկագո Ֆայրի» կազմում փոխարինման դուրս եկավ 73-րդ րոպեին, երբ հաշիվը 1:1 էր:
Հիշեցնենք, որ Յուրա Մովսիսյանը հրավիրվել է Հայաստանի հավաքական՝ մասնակցելու Ջիբրալթարի (հոկտեմբերի 13-ին) ու Մակեդոնիայի (հոկտեմբերի 16-ին) դեմ Ազգերի լիգայի խաղերին:
31-ամյա Մովսիսյանն ամերիկյան ակումբում նորամուտը նշել էր «Նյու Ինգլանդ Ռեւոլուշնի» դեմ սեպտեմբերի 23-ին կայացած խաղում, որում փոխարինման էր դուրս եկել 80-րդ րոպեին: «Չիկագո Ֆայրի» հաջորդ 2 հանդիպումներին նա չէր մասնակցել:
MLS-ի կանոնավոր առաջնություն
«Դի Սի Յունայթեդ» - «Չիկագո Ֆայր»՝ 2:1
Ուեյն Ռունի, 62, 81 (11մ) – Ռահիմ Էդվարդս, 51
Today's Starting XI pres. by @ATT #DCvCHI is coming up at Noon CT on @espn #cf97 pic.twitter.com/P0UP45UKJ6
— Chicago Fire (@ChicagoFire) October 7, 2018
The starting squad. #DCU | #DCvCHI pic.twitter.com/0cgmd7fNSX
— D.C. United (@dcunited) October 7, 2018
Հետևեք NEWS.am SPORT-ին Facebook-ում, Twitter և Telegram-ում