Լեւոն Արոնյանի մրցակիցները London Chess Classic-ում
16:35 29 օգոստոսի, 2018Հայտնի են դարձել Grand Chess Tour-ի եզրափակիչ փուլի՝ London Chess Classic-ի բոլոր մասնակիցները:
Լոնդոնում դեկտեմբերի 11-17-ը կայանալիք մրցաշարի մասնակցության իրավունք են ստացել Grand Chess Tour-ի 4 փուլերում ամենաշատ միավոր հավաքած շախմատիստները՝ Լեւոն Արոնյանը, ֆրանսիացի Մաքսիմ Վաշյե-Լագրավը, ԱՄՆ-ը ներկայացնող Ֆաբիանո Կարուանան ու Հիկարու Նակամուրան:
Կարուանան ու ամերիկացի Ուեսլի Սոն հավաքել էին հավասար միավորներ եւ վերջին ուղեգիրը վիճարկեցին թայ-բրեյքում:
Հիշեցնենք, որ հայկական շախմատի առաջատար Լեւոն Արոնյանը օրեր առաջ հաղթել էր Grand Chess Tour-ի չորրորդ փուլ «Սինքֆիլդի գավաթ» սուպերմրցաշարում: Արոնյանը, աշխարհի չեմպիոն Մագնուս Կարլսենը եւ ԱՄՆ-ը ներկայացնող Ֆաբիանո Կարուանան 9 հնարավորից վաստակել էին 5.5-ական միավոր եւ բաժանել 1-3-րդ տեղերը: Հավասար միավորների դեպքում հաղթողը պետք է որոշվեր թայ-բրեյքում, սակայն մրցաշարի կազմակերպիչները որոշեցին չեղյալ հայտարարել այն եւ ունենալ 3 հաղթող:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։