Կրասնոյարսկի «Ենիսեյի» դարպասապահ Դավիդ Յուրչենկոն ֆուտբոլի Ռուսաստանի առաջնության չորրորդ տուրում «Ռոստովից» կրած 0:4 հաշվով պարտությունից հետո ներողություն է խնդրել երկրպագուներից:
«Լինում են խաղեր, որոնցում թիմերից մեկի գոլերը չեն գնում, իսկ մյուսի մոտ ստացվում է ամեն բան: Ավաղ: Ներողություն ենք խնդրում պարտության համար: Կլինեն հաղթանակներ եւ գոլեր: Բոլորը պետք է վերլուծեն իրենց գործողություններ եւ անեն ճիշտ հետեւություններ»,- թվիթերյան էջում գրել է Հայաստանի հավաքականի թեկնածուն:
Հիշեցնենք, որ Ռոստովում կայացած խաղում Հայաստանի հավաքականի հարձակվող Արթուր Սարկիսովը «Ենիսեյի» կազմում փոխարինման էր դուրս եկել 54-րդ րոպեին:
Ռուսաստանի առաջնության մեկնարկային 4 տուրերից հետո Պրեմյեր լիգայի նորեկ «Ենիսեյը» մեկ միավորով վերջին տեղում է:
Ռուսաստանի առաջնություն, չորրորդ տուր
«Ռոստով» - «Ենիսեյ»՝ 4:0
Բյորն Սիգուրդարսոն, 31, 35, Ալեքսեյ Իոնով, 58, Այազ Գուլիեւ, 84
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։