Մադրիդի «Ռեալի» գլխավոր մարզիչ Խուլյեն Լոպետեգին մեկնաբանել է Իսպանիայի առաջնության առաջին տուրում «Խետաֆեի» նկատմամբ տնային հաղթանակը 2:0 հաշվով:
«Մենք կառավարում էինք լավ թիմի դեմ խաղում: «Խետաֆեին» թույլ չտվեցինք ստեղծել գոլային պահեր, իսկ մենք խփեցինք 2 գոլ: Առաջադիմելու տեղ ունենք, սակայն գոհ ենք արդյունքից: Խաղի որակը գոհացրեց ինձ:
Ցանկանում եմ առավելագույնը ստանալ թիմից: Միայն այդ կերպ կարելի է հաղթել առաջնությունում: Ամեն բան մեզանից է կախված, այս կազմը պետք է դառնա հրաշալի թիմ»,- իսպանացի մասնագետի խոսքը մեջբերում է Football Espana-ն:
Հիշեցնենք, որ պաշտոնական խաղերում դա «Ռեալի» առաջին հաղթանակն էր Լոպետեգիի գլխավորությամբ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։