Լոնդոնի «Չելսիի» եւ Բելգիայի հավաքականի դարպասապահ Տիբո Կուրտուան օգոստոսի 9–ին կժամանի Մադրիդ եւ պայմանագիր կկնքի «Ռեալի» հետ, հաղորդում է Sky Sport–ը։
Անգլիական ակումբը չէր ցանկանում վաճառել Կուրտուային մինչեւ չգտներ հավասարազոր փոխարինող։ Բիլբաոյի «Աթլետիկից» 80 միլիոն եվրոյով 23–ամյա իսպանացի Կեպա Արիսաբալագային գնելուց հետո անգլիական ակումբը պատրաստ է վաճառել Կուրտուային ոչ պակաս, քան 80 միլիոնով։ Սակայն Արքայական ակումբը մտադիր է գործարքում ներառել նաեւ աշխարհի փոխչեմպիոն Խորվաթիայի հավաքականի կիսապաշտպան Մատեո Կովաչիչի տեղափոխությունը «Չելսի»։
Անցած մրցաշրջանում Կուրտուան «Չելսիում» անցկացրել է 46 հանդիպում եւ բաց է թողել 47 գոլ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։