Մոսկվայի «Լոկոմոտիվի» դարպասապահը շնորհավորել է «Փյունիկին»
18:12 4 օգոստոսի, 2018Մոսկվայի «Լոկոմոտիվի» դարպասապահ Գիլյերմեն Երեւանի «Փյունիկին» ու ակումբի նախագահ Արթուր Սողոմոնյանին շնորհավորել է Եվրոպայի լիգայի որակավորման երրորդ փուլ դուրս գալու կապակցությամբ: Ռուսաստանի քաղաքացիություն ունեցող բրազիլացի դարպասապահը նշել է, որ երկրպագելու է հայկական ակումբին:
Հիշեցնենք, որ «Փյունիկը» Եվրոպայի լիգայի որակավորման երրորդ փուլում կհանդիպի Թել Ավիվիի «Մաքաբիին»։ «Փյունիկի» ու «Մաքաբիի» միջեւ առաջին հանդիպումը տեղի կունենա օգոստոսի 7-ին Երեւանի «Հանրապետական» ստադիոնում, իսկ պատասխան խաղը՝ օգոստոսի 16-ին Իսրայելում:
Եվրոպայի լիգայի որակավորման առաջին փուլում «Փյունիկը» հաղթել էր մակեդոնական «Վարդարին», իսկ երկրորդ փուլում հաղթահարեց ղազախական «Տոբոլի» արգելքը:
Նախկինում հայկական ակումբներին երբեք չէր հաջողվել դուրս գալ եվրագավաթների մրցաշարի որակավորման երրորդ փուլ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։