Հայ ծանրորդները ոսկե եւ արծաթե մեդալներ են նվաճել Եվրոպայի պատանեկան առաջնությունում (ֆոտո)
15:33 25 հուլիսի, 2018Ծանրամարտի Հայաստանի թիմը երկրորդ ոսկե մեդալն է նվաճել Միլանում շարունակվող Եվրոպայի պատանեկան առաջնությունում:
77 կգ քաշային կարգում չեմպիոնի կոչմանն արժանացել է Հարություն Գրիգորյանը, որը երկամարտում գրանցել է 258 կգ (117+141) արդյունք: Գրիգորյանը հաղթել է ինչպես պոկում վարժությունում, այնպես էլ հրում:
Երկրորդ տեղը գրաված թուրք Հական Թուրնազը հայ ծանրորդին երկամարտում զիջել է 12 կգ:
Հայաստանի մեկ այլ ներկայացուցիչ Մնացական Աբրահամյանը երկրորդ տեղն է գրավել 69 կգ քաշային կարգում: Երկամարտում նա հավաքել է 249 կգ (108+141) եւ 11 կգ զիջել ոսկե մեդալ նվաճած բուլղարացի ծանրորդին (տեսանյութ): Մնացական Աբրահամյանը փոքր արծաթե մեդալներ է նվաճել նաեւ պոկում ու հրում վարժություններում:
Հիշեցնենք, որ ավելի վաղ Եվրոպայի պատանեկան չեմպիոն էր դարձել 50 կգ քաշային Գոռ Սահակյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.