Ռոբերտո Մարտինես. Ամենամեծ նվաճումն այն է, որ մենք դարձանք մեծ թիմ
21:54 14 հուլիսի, 2018Ամենամեծ նվաճումն այն է, որ մենք դարձանք մեծ թիմ, ասել է Բելգիայի հավաքականի գլխավոր մարզիչ Ռոբերտո Մարտինեսը՝ ամփոթելով բելգիացիների մասնակցությունը աշխարհի առաջնությանը: Պատմության մեջ առաջին անգամ Բելգիայի թիմը նվաճեց բրոնզե մեդալները՝ 2:0 հաշվով հաղթելով անգլիացիներին:
«Այս խաղացողները ցանկանում էին դառնալ թիմ, ոչ ոք չէր խոսում իր ապագայի մասին, բոլոր զրույցները միայն այս կոլեկտիվին օգուտ տալու մասին էին: 1966 թվականից հետո առաջին անգամ մենք բոլորից շատ գոլ խփեցինք աշխարհի առաջնությունում: Մեր թիմի 10 ֆուտբոլիստներ գոլի հեղինակ դարձան: Կարծում եմ՝ սա եւս ռեկորդ է: Ես հպարտանում եմ այս թիմով: Բոլորը ցանկանում էին օգնել իրար: Ամբողջ Բելգիան ցավում էր այս թիմի համար: Բոլորիս համար հրաշալի հույզեր էին: Արտոնություն էր, որ ինձ բախտ վիճակվեց մտնել բելգիական ֆուտբոլի պատմության մեջ լավագույն արդյունքով»,- Ռոբերտո Մարտինեսի խոսքը մեջբերում է championat.com-ը:
46-ամյա իսպանացի մարզիչը Բելգիայի թիմը գլխավորում է 2016 թվականից: Նախքան այդ նա երեք տարի անգլիական «Էվերտոնի» գլխավոր մարզիչն էր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.