Էմերին «Արսենալում» պատասխանատու դեր է տալու Ռեմսիին և Օբամեյանգին

01:08   23 մայիսի, 2018

Իսպանացի մասնագետ Ունաի Էմերին, որը այս շաբաթվա ընթացքում պետք է գլխավորի «Արսենալը», ծրագրում է լոնդոնյան ակումբում պատասխանատու դեր տալ կիսապաշտպան Աարոն Ռեմսիին և հարձակվող Պյեր-Էմերիկ Օբամեյանգին, հաղորդում է Sky Sports-ը։

«Արսենալի» ղեկավարների հետ բանակցությունների ընթացքում Էմերին ասել է, որ մեծ հույսեր է կապում ուելսցու և գաբոնցու հետ։

27-ամյա Ռեմսին դեռ համաձայնության չի եկել պայմանագրի երկարաձգման հարցում։ Գործող պայմանագիրն ավարտվում է 2019 թվականին։ Նշվում է, որ Ռեմսին չի մասնակցել «Արսենալի» նոր խաղաշապիկի շնորհանդեսին։

Անգլիայի ավարտված առաջնությունում Ռեմսին 24 խաղում դարձել է 7 գոլի և 8 գոլային փոխանցման հեղինակ, իսկ Օբամեյանգը 13 խաղում խփել է 10 գոլ և կատարել է 4 արդյունավետ փոխանցում։

 



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։