Ռոնալդուն պատրաստ է 14 միլիոն եվրո վճարել Իսպանիայի հարկային ծառայությանը
15:07 18 մայիսի, 2018Մադրիդի «Ռեալի» պորտուգալացի հարձակվող Կրիշտիանու Ռոնալդուն պատրաստ է հարկերից խուսափելու գործով գործարքի մեջ մտնել Իսպանիայի հարկային ծառայության հետ, տեղեկացնում է El Mundo Deportivo-ն։
33-ամյա ֆուտբոլիստն առաջարկ է արել հարկային ծառայողներին, որպեսզի այդ գործը փակվի մինչեւ Ռուսաստանում կայանալիք ԱԱ-2018-ը։
Ռոնալդուն պատրաստ է ընդունել իր մեղքը խարդախության 4 կետերում եւ վճարել 14 միլիոն եվրո։ Ավելի վաղ նա համաձայնել էր վճարել 3․8 միլիոն եվրո, սակայն Իսպանիայի հարկային ծառայությունը մերժել էր պորտուգալացուն։
Հիշեցնենք, որ Ռոնալդուն մեղադրվում է 2011-2014 թվականներին 14.7 միլիոն եվրո հարկ չվճարելու մեջ: Հուլիսին Պորտուգալիայի հավաքականի ավագը դատարանում ցուցմունք էր տվել հարկերից խուսափելու գործով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։