18:10 17 մայիսի, 2018NEWS.am Sport-ը շարունակում է Ռուսաստանի Ռոստով քաղաքից ներկայացնել մայիսի 19-ին կայանալիք Fight Nights Global-ի կազմակերպած մրցաշարը, որին մասնակցելու է հունահռոմեական ըմբշամարտի Հայաստանի հավաքականի անդամ, Ռիո-2016–ի օլիմպիական փոխչեմպիոն Միհրան Հարությունյանը:
Նրա առաջին մրցակիցը իրանցի Ալի Յուսեֆին է, որը խառը մենամարտերում անցկացրել է 9 մենամարտ՝ տանելով 6 հաղթանակ եւ կրելով 3 պարտություն:
Մայիսի 19-ին կայանալիք երեկոյի ընթացքում Fight Nights Global-ն անկցացնելու է 13 մենամարտ, որից 3-ը չեմպիոնական գոտիների համար:
Միհրան Հարությունյանի մենամարտ երեկոյի ընթացքում լինելու է 4-րդը: Ռոստովում բացի Միհրան Հարությունյանից, պայքարի մեջ կմտնեն եւս երկու հայ մարզիկներ՝ Դավիթ Խաչատրյանն ու Վլադիմիր Եգոյանը:
Fight Nights Global պրոմուտերական ընկերության կազմակերպած երեկոյի գլխավոր մենամարտը լինելու է MMA-ի առաջատար մարզիկ, Հայաստանը ներկայացնող Դավիթ Imperator Խաչատրյանի (24-3-0) մասնակցությամբ: Կիասածանր քաշային կարգի (93.0 կգ) չեմպիոնի գոտու համար Խաչատրյանը կպայքարի Իռնալդիայի խառը մենամարտերի աստղ Պիտեր The Showstopper Կուիլիի հետ (10-4-1):
Նույն քաշային կարգում չեմպիոնի գոտին կփորձի պաշտպանել բրազիլացի Ֆաբիո Մալդոնադոն՝ Ռուսաստանը ներկայացնող Նիկիտա Կռիլովի հետ մենամարտում:
Եվս մեկ չեմպիոնական մենամարտ կկայանա կիսամիջին քաշային կարգում (70.3), որտեղ չեմպիոնի գոտու համար կմրցեն բրազիլացի Ադրիանո Մարտինսը եւ ռուս Ալեքսանդր Շաբլին:
Վլադիմիր Եգոյանը ներկայացնում է Ռուսաստանը եւ մրցաշարում հանդես կգա թեթեւ քաշային կարգում: Վարկանիշային մենամարտում նա ուժերը կչափի Ռուսաստանի ներկայացուցիչ Ալեքսանդր Յանիշեւի հետ:
Հայ մարզասերների համար երեկոյի գլխավոր մենամարտը, թերեւս, օլիմպիական փոխչեմպիոն Միհրան Հարությունյանի մենամարտն է: Սա հայ ըմբիշի նորամուտն է խառը մենամարտերում:
Միհրան Հարությունյանը մենամարտին պատրաստվել է 3 ամիս՝ մարզումներ անցկացնելով ԱՄՆ-ում եւ Ռուսաստանում:
Օլիմպիական փոխչեմպիոնն արդեն մրցավայրում է՝ Ռոստով քաղաքում: Նա Ժամանել է մայիսի 16-ին եւ արդեն հասցրել է մարզում անցկացնել, որին հետեւել է նաեւ NEWS.am Sport-ը:
Հայաստանից մեծ թվով երկրպագուներ են ժամանել Ռոստով, այդ թվում եւ Միհրան Հարությունյանի ընկերները, հարազատները: Այստեղ են նաեւ Հայաստանի ըմբշամարտի ֆեդերացիայի ներկայացուցիչները՝ ֆեդերացիայի գլխավոր քարտուղար, աշխարհի նախկին չեմպիոն Վաղինակ Գալստյանի գլխավորությամբ:
Fight Nights Global-ի կազմակերպած մրցաշարը տեղի կունենա մայիսի 19-ին Ռոստովի «КСК Экспресс» մարզապալատում ժամը 18:00-ին: NEWS.am Sport-ը ուղիղ հեռարձակմամբ կցուցադրի Միհրան Հարությունյանի մենամարտը մրցավայրից:
Լուսինե Շահբազյան (Ռոստով)
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.