Ֆուտբոլի Պորտուգալիայի առաջնության վերջին՝ 34-րդ տուրում «Մարիտիմուն» սեփական դաշտում 2:1 հաշվով առավելության է հասել Լիսաբոնի «Սպորտինգի» նկատմամբ (տեսանյութ):
Դաշտի տերերի հաղթական գոլն ավելացված ժամանակում խփել է Հայաստանի հավաքականի կիսապաշտպան Գեւորգ Ղազարյանը, որը մեկնարկային կազմում անցկացրել է ամբողջ հանդիպումը:
«Մարիտիմուն» 47 միավորով գրավել է 7-րդ տեղը, իսկ «Սպորտինգը» 78 միավորով զբաղեցրել է երրորդ տեղը եւ նվաճել Եվրոպայի լիգայի ուղեգիր:
Հիշեցնենք, որ Գեւորգ Ղազարյանը հրավիրվել է Հայաստանի ազգային հավաքական՝ մասնակցելու Մալթայի (մայիսի 29) եւ Մոլդովայի (հունիսի 4) դեմ Ավստրիայում կայանալիք ընկերական խաղերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։