Կրկնակի օլիմպիական փոխչեմպիոն Եվգենյա Մեդվեդեւան հնարավոր է ներկայացնի Հայաստանը
13:44 5 մայիսի, 2018Կրկնակի օլիմպիական փոխչեմպիոն, ռուսաստանցի գեղասահորդուհի Եվգենյա Մեդվեդեւան, հնարավոր է, փոխի մարզական քաղաքացիությունը՝ ներկայացնելով Հայաստանը, հաղորդում է ռուսական allsportinfo գործակալությունը:
Նշվում է, որ Մեդվեդեւայի համար առաջիկա տարիներին բարդ կլինի դիմանալ մրցակցությանը եւ մշտական տեղ ունենալ Ռուսաստանի հավաքականում՝ հաշվի առնելով կանանց մենասահքում չեմպիոնական տարիքի նվազումն ու մի քանի ռուս պատանի տաղանդավոր գեղասահորդուհիների հաջողությունները: Հայաստանի հավաքականը ներկայացնելու հավանականությունը մեծ է՝ հաշվի առնելով, որ նրա հայրը հայ է՝ Արման Բաբասյան:
Մայիսի 4-ին հայտնի էր դարձել, որ Մեդվեդեւան դադարեցրել է համագործակցությունը մարզիչ Էթերի Տուտբերիձեի հետ: 18-ամյա մարզուհին հունիսին կմեկնի Կանադա եւ կսկսի մարզվել հռչակավոր Բրայան Օրսերի ղեկավարությամբ: Օրսերը կրկնակի օլիմպիական չեմպիոն Յուձյուրու Հանյուի եւ աշխարհի կրկնակի չեմպիոն Խաֆյեր Ֆերնանդեսի մարզիչն է:
Մարզական քաղաքացիություն փոխելու գործընթացը տեւում է երկու տարի:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.