Սալահը, Ֆիրմինոն ու Մանեն գերազանցել են BBC-ի ռեկորդը, «Լիվերպուլը»՝ «Բարսելոնայի»
10:42 3 մայիսի, 2018Անգլիական «Լիվերպուլը» սահմանել է Չեմպիոնների լիգայի մեկ մրցաշրջանում խփած գոլերի ռեկորդ: Իտալական «Ռոմայի» դեմ կիսաեզրափակիչի պատասխան խաղում Յուրգեն Կլոպի թիմը գոլերի քանակը հասցրել է 46-ի (14 խաղում): Դա ռեկորդային ցուցանիշ է ինչպես Չեմպիոնների լիգայում, այնպես էլ եվրագավաթների բոլոր մրցաշարերում, գրում է Daily Mail-ը:
Մինչեւ այս այդ ցուցանիշով ռեկորդակիր էր կատալոնական «Բարսելոնան», որը 1999/2000 մրցաշրջանում 45 գոլ էր խփել Չեմպիոնների լիգայի 16 խաղերում:
«Լիվերպուլի» հարձակվողներ Ռոբերտո Ֆիմինոն (10 գոլ), Մոհամեդ Սալահն (10 գոլ) ու Սադիո Մանեն (9 գոլ) գերազանցել են Մադրիդի «Ռեալի» հարձակողական եռյակի ռեկորդը՝ Չեմպիոնների լիգայի մեկ մրցաշրջանում միասին խփելով 29 գոլ: Քարիմ Բենզեման, Գարեթ Բեյլն ու Կրիշտիանու Ռոնալդուն «Ռեալի» կազմում 28 գոլ էին խփել 2013/14 մրցաշրջանում:
Հիշեցնենք, որ «Լիվերպուլը» պատասխան խաղում 2:4 հաշվով պարտվեց «Ռոմային», բայց դուրս եկավ եզրափակիչ, որտեղ կմրցի Չեմպիոնների լիգայի գործող գավաթակիր «Ռեալի» հետ: Առաջին խաղում անգլիական ակումբը հաղթել էր 5:2 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։