Չեմպիոնների լիգա. «Ռեալի», Ռոնալդուի ու Զիդանի ռեկորդները
10:34 2 մայիսի, 2018Մադրիդի «Ռեալը», պայքարից դուրս թողնելով Մյունխենի «Բավարիային», 7-րդ անգամ դուրս է եկել 1992/93 մրցաշրջանից անցկացվող Չեմպիոնների լիգայի եզրափակիչ: Նախկինում ոչ մի ակումբ չէր գրանցել այդպիսի ցուցանիշ:
6-ական անգամ Չեմպիոնների լիգայի եզրափակիչ դուրս եկել են իտալական «Միլանն» ու «Յուվենտուսը», գրում է AS-ը:
«Ռեալը» «Միլանից» ու «Յուվենտուսից» հետ երրորդ ակումբ է, որը երրորդ տարին անընդմեջ նվաճում է Չեմպիոնների լիգայի եզրափակիչի ուղեգիր: Միլանցիները դա արել էին 1993, 1994 եւ 1995 թվականներին, իսկ թուրինցիները՝ 1996, 1997 ու 1998 թվականներին:
Մադրիդցիները եվրագավաթներում գոլ խփեցին 42-րդ տնային խաղում անընդմեջ եւ կրկնեցին Լոնդոնի «Տոտենհեմի» ռեկորդը: Անգլիական ակումբը եվրագավաթների 42 տնային խաղերում գոլ էր խփել 1961-1984-ը: Հատկանշական է, որ «Տոտենհեմի» ռեկորդային շարքը 1985-ին ավարտվել էր հենց «Ռեալի» դեմ խաղում (0:1):
«Ռեալի» պորտուգալացի հարձակվող Կրիշտիանու Ռոնալդուն 6-րդ անգամ է դուրս գալիս Չեմպիոնների լիգայի եզրափակիչ՝ կրկնելով «Միլանի» ու Իտալիայի հավաքականի լեգենդար պաշտպան Պաոլո Մալդինիի ռեկորդը:
«Ռեալի» գլխավոր մարզիչ Զինեդին Զիդանն էլ կրկնել է իտալացի Մարչելո Լիպիի ռեկորդը՝ երրորդ տարին անընդմեջ դուրս գալով եզրափակիչ: Լիպին 1996, 1997 ու 1998 թվականներին նման հաջողության հասել էր «Յուվենտուսի» հետ:
Հիշեցնենք, որ Մադրիդում կայացած հանդիպումն ավարտվել էր 2:2 հաշվով, եւ «Ռեալը» եզրափակիչ էր դուրս եկել առաջին խաղում 2:1 հաշվով հաղթանակի շնորհիվ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.