Grenke Сhess Сlassic. Լեւոն Արոնյանը մրցաշարն ավարտեց առանց պարտության
20:02 9 ապրիլի, 2018Հայկական շախմատի առաջատար Լեւոն Արոնյանը Grenke Сhess Сlassic մրցաշարն ավարտեց առանց պարտության։ Վերջին տուրում հայ գրոսմայստերը սպիտակներով ոչ ոքի խաղաց գերմանացի Մաթիաս Բլյուբաումի հետ եւ վաստակեց 5 միավոր։ Տուրի մյուս պարտիաները շարունակվում են։
Նախորդ 8 տուրերում հայ գրոսմայստերը ոչ ոքի էր խաղացել գերմանացի Գեորգ Մեյերի, հնդիկ Վիշվանաթան Անանդի, չինուհի Հոու Յիֆանի, ֆրանսիացի Մաքսիմ Վաշյե-Լագրավի, աշխարհի չեմպիոն Մագնուս Կարլսենի, ռուս Նիկիտա Վիտյուգովի ու ԱՄՆ-ը ներկայացնող Ֆաբիանո Կարուանայի հետ, ինչպես նաեւ սպիտակներով հաղթել էր Ադրբեջանի ներկայացուցիչ Արկադի Նայդիչին։
Լեւոն Արոնյանը Grenke Сhess Сlassic-ի անցած տարվահաղթողն է։ Նախորդ տարի նա 7 հնարավորից վաստակել էր 5.5 միավոր եւ միանձնյա գրավել առաջին տեղը։ Երկրորդ տեղը կիսել էին Մագնուս Կարլսենը եւ Ֆաբիանո Կարուանան, որոնք վաստակել էին 4-ական միավոր:
Grenke Сhess Сlassic, 9-րդ տուր
Լեւոն Արոնյան (Հայաստան) - Մաթիաս Բլյուբաում (Գերմանիա)՝ 0.5։0.5
Նիկիտա Վիտյուգով (Ռուսաստան) - Ֆաբիանո Կարուանա (ԱՄՆ)
Վիշվանաթան Անանդ (Հնդկաստան) - Մագնուս Կարլսեն (Նորվեգիա)
Հոու Յիֆան (Չինաստան) - Արկադի Նայդիչ (Ադրբեջան)
Մաքսիմ Վաշյե-Լագրավ (Ֆրանսիա) - Գեորգ Մեյեր (Գերմանիա)
Մրցաշարային դրությունը վերջին տուրից առաջ. Կարուանա՝ 5.5 միավոր, Կարլսեն, Վիտյուգով՝ 5-ական, Վաշյե-Լագրավ, Արոնյան՝ 4.5-ական, Բլյուբաում՝ 4, Նայդիչ, Անանդ, Յիֆան՝ 3-ական, Մեյեր՝ 2.5:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.