Գեւորգ Ղազարյան. Շատ անորակ խաղ անցկացրեցինք
23:06 27 մարտի, 2018Ֆուտբոլի Հայաստանի ազգային հավաքականի եւ պորտուգալական «Մարիտիմուի» կիսապաշտպան Գեւորգ Ղազարյանը մեկնաբանել է Արթուր Պետրոսյանի գլխավորած թիմի պարտությունը Լիտվայի հետ ընկերական խաղում:
«Շատ անորակ խաղ անցկացրեցինք: Շատ բան կա քննարկելու, ուղղելու: Բայց լավ է, որ այս ամենը պատահեց ընկերական խաղում եւ դեռ ժամանակ ունենք իրավիճակը շտկելու համար:
2-ական 45 րոպե անցկացրեցի խաղադաշտում` ընկերական խաղերում: Բնական է, որ վնասվածքից հետո դեռ լավագույն մարզավիճակում չեմ գտնվում: Սակայն, մինչեւ պաշտոնական խաղերը դեռ ժամանակ կա»,- ասել է Գեւորգ Ղազարյանը:
Հիշեցնենք, որ Հայաստանի թիմը պարտվել է 0:1 հաշվով, նախորդ ընկերական խաղում էլ 0:0 հաշվով էր ավարտել հանդիպումը Էստոնիայի թիմի հետ:
Սամվել Սուքիասյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.