Հայաստանի հավաքականի երկրպագուների երթը Լիտվայի դեմ խաղից առաջ (ուղիղ եթեր, ֆոտո)

Ֆուտբոլի Հայաստանի ազգային հավաքականի երկրպագուները ավանդույթի համաձայն թիմի խաղից առաջ երթով շարժվում են դեպի Վազգեն Սարգսյանի անվան «Հանրապետական» ստադիոն: Արթուր Պետրոսյանի գլխավորած թիմն ընկերական հանդիպում կանցկացնի Լիտվայի հավաքականի հետ:

ՖԻՖԱ-ի դասակարգման աղյուսակում Հայաստանը 91-րդ տեղում է, իսկ Լիտվան 147-րդն է։

Վազգեն Սարգսյանի անվան «Հանրապետական» ստադիոնում կայանալիք խաղը կմեկնարկի Երեւանի ժամանակով 19:00-ին։ Հանդիպումը կսպասարկի Վրաստանը ներկայացնող մրցավարական բրիգադը՝ Իրակլի Կվիրիկաշվիլիի գլխավորությամբ։

Հիշեցնենք, որ Հայաստանի եւ Լիտվայի հավաքականները նախորդ ընկերական խաղերն անցկացրել են մարտի 24-ին։ Հայկական թիմը Երեւանում գոլազուրկ ոչ ոքի է խաղացել Էստոնիայի հավաքականի հետ, իսկ լիտվացիները Թբիլիսիում 0։4 հաշվով պարտվել են Վրաստանի հավաքականին։