Հայաստան - Էստոնիա հանդիպումը կսպասարկեն վրացի մրցավարները
16:09 23 մարտի, 2018Ֆուտբոլի Հայաստանի եւ Էստոնիայի ազգային հավաքականների միջեւ ընկերական հանդիպումը կսպասարկեն վրացի մրցավարները, հայտնում է ՀՖՖ կայքը։
Մարտի 24-ին Վազգեն Սարգսյանի անվան «Հանրապետական» ստադիոնում կայանալիք խաղի գլխավոր մրցավար է նշանակվել Գեորգի Վադաչկորիան, որին եզրերում կօգնեն Զազա Պիպիան եւ Դավիթ Չիգոգիձեն: Չորրորդ պաշտոնյայի պարտականությունները կկատարի Արման Ալաբերքյանը Հայաստանից:
Հայաստան - Էստոնիա հանդիպումը կմեկնարկի Երեւանի ժամանակով 18:00-ին։ Մարտի 27-ին Հայաստանի հավաքականը Երեւանում ընկերական խաղ է անցկացնելու նաեւ Լիտվայի թիմի հետ։
Հիշեցնենք, որ Հայաստանի հավաքականի՝ նոյեմբերին Երեւանում կայացած նախորդ 2 ընկերական խաղերը Բելառուսի (4:1) եւ Կիպրոսի (3:2) դեմ եւս սպասարկել էին վրացի մրցավարներ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.