Հենրիխ Մխիթարյան. Հաղթանակը նվիրում եմ «Արսենալի» իսկական ֆանատներին
19:40 13 մարտի, 2018«Արսենալի» եւ Հայաստանի հավաքականի կիսապաշտպան Հենրիխ Մխիթարյանն արժանին է մատուցել լոնդոնյան ակումբի այն երկրպագուներին, որոնք թիմին աջակցում են նաեւ դժվար պահերին:
«Մենք միշտ խաղում ենք մեզ աջակցող երկրպագուների համար: Այն մարդիկ, որոնք միշտ գալիս են ստադիոն եւ թիմի կողքին են՝ իսկական ֆանատներ են: Ցանկանում եմ շնորհակալություն հայտնել եւ նրանց նվիրել մեր հաղթանակը: Իսկ միայն հաղթանակների ժամանակ ստադիոն եկողներին ասելու բան չունեմ»,- Մխիթարյանի խոսքը մեջբերում է beIN Sports-ը:
Հիշեցնենք, որ Անգլիայի առաջնության 30-րդ տուրում «Արսենալը» 3:0 հաշվով հաղթել է «Ուոթֆորդին», 78 րոպե անցկացրած Մխիթարյանը դարձել է գոլի եւ գոլային փոխանցման հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.