Չեռնոգորիան ներկայացնող դարպասապահ Անդրիյա Դրագոեւիչը համալրել է «Ալաշկերտը», հայտնում է ակումբի կայքը։
26-ամյա դարպասապահը հանդես է եկել սերբական «Դինամո», «Մլադենովաց» եւ ՕՖԿ, բոսնիական «Վելեժ», ալբանական «Վլաժնիա» եւ Կիպրոսի «Կարմիոտիսա» թիմերում: Կիպրոսում նա խաղացել է «Ալաշկերտի» ֆուտբոլիստներ Տարոն Ոսկանյանի եւ Դավիթ Մանոյանի հետ:
Չեռնոգորիայի Մ-17 և Մ-19 հավաքականներում հանդես եկած Անդրիյա Դրագոեւիչի նախորդ ակումբը տեղի «Գրբալն» էր, որի կազմում նա 15 հանդիպման է մասնակցել ընթացիկ առաջնությունում:
Այս օրերին դարպասապահը «Ալաշկերտի» կազմում մասնակցում է Բելեկում ընթացող ուսումնամարզական հավաքին:
Հիշեցնենք, որ վերջերս Հայաստանի չեմպիոնը 1.5 տարվա պայմանագիր էր կնքել նաեւ սերբ դարպասապահ Օգնյեն Չանչարեւիչի հետ։ «Ալաշկերտում» է հանդես գալիս նաեւ Հայաստանի ազգային հավաքականի դարպասապահ Արսեն Բեգլարյանը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։