ՕԽ-2018․ Մեդալային հաշվարկն ունեցավ նոր առաջատար, օրվա բոլոր մեդալակիրները

17:15   18 փետրվարի, 2018

Հարավային Կորեայի Փհենչհան քաղաքում անցկացվող 23-րդ ձմեռային Օլիմպիական խաղերում փետրվարի 18-ին վիճարկվեց մեդալների 6 հավաքածու։

2 ոսկե մեդալ նվաճեց Նորվեգիան, որը շրջանցեց գերմանացիներին եւ դարձավ մեդալային հաշվարկի նոր առաջատար։ Նորվեգացիները նվաճել են 9 ոսկե, 9 արծաթե եւ 8 բրոնզե մեդալ: Գերմանիան 9 ոսկե, 5 արծաթե եւ 4 բրոնզե մեդալով նահանջեց երկրորդ տեղ, իսկ լավագույն եռյակը եզրափակում են հոլանդացիները (6 ոսկի, 5 արծաթ, 2 բրոնզ):  

9-րդ մեդալային օրը Ռուսաստանը (OAR) նվաճեց մեկական արծաթե եւ բրոնզե մեդալ։ Օլիմպիական դրոշի ներքո հանդես եկող ռուս մարզիկներն ունեն 3 արծաթե, 8 բրոնզե մեդալ եւ 20-րդն են ընդհանուր հաշվարում։

Փետրվարի 19-ին կվիճարկվի մեդալների 3 հավաքածու։

Հիշեցնենք, որ Փհենչհան-2018-ում Հայաստանի վերջին ներկայացուցիչ Աշոտ Կարապետյանը փետրվարի 22 հանդես կգա լեռնադահուկային սպորտի հատուկ ոլորավայրէջքում։ Հայաստանի մյուս ներկայացուցիչներ, դահուկորդներ Միքայել Միքայելյանը եւ Կատյա Գալստյանն արդեն ավարտել են պայքարը։

Փհենչհան-2018, Օլիմպիական խաղեր, 9-րդ մեդալային օր

Բիատլոն, տղամարդիկ, ընդհանուր մեկնարկ, 15 կմ

1. Մարտեն Ֆուրկադ (Ֆրանսիա) - 35.47,3 (2).
2. Սիմոն Շեմպ (Գերմանիա) – նույն ժամանակը (1)
3. Էմիլ Հեգլե Սվենդսեն (Նորվեգիա) +11,2 (2)

Դահուկավազք, տղամարդիկ, փոխանցումավազք

1․ Նորվեգիա
2․ Ռուսաստան
3․ Ֆրանսիա

Ֆրիսթայլ, տղամարդիկ, դահուկային սլոուփսթայլ

1. Օյստեյն Բրաատեն (Նորվեգիա)
2. Նիկ Գոեպեր (ԱՄՆ)
3. Ալեքս Բոլյե-Մարշան (Կանադա)

Լեռնադահուկային սպորտ, տղամարդիկ, հսկա ոլորավայրէջք

1. Մարսել Հիրշեր (Ավստրիա)
2. Հենրիկ Կրիստոֆերսեն (Նորվեգիա)
3. Ալեքսիս Պինտուրո (Ֆրանսիա)

Ֆրիսթայլ, ակրոբատիկա, տղամարդիկ

1. Ալեքսանդր Աբրամենկո (Ուկրաինա)
2. Ցզյա Ցզունյան (Չինաստան)
3. Իլյա Բուրով (Ռուսաստան)

Չմշկավազք, կանայք, 500 մ

1. Նաո Կոդաիրա (Ճապոնիա)
2. Սան Հվա Լի (Հարավային Կորեա)
3. Կարոլինա Էրբանովա (Չեխիա)



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։