Հարավային Կորեայի Փհենչհան քաղաքում շարունակող 23-րդ ձմեռային Օլիմպիական խաղերի գեղասահքի տղամարդկանց մենասահքի կարճ ծրագրում լավագույն արդյունքը գրանցել է ճապոնացի Յուձյուրու Հանյուն, որը հավաքել է 111,68 միավոր։
Երկրորդ արդյունքը ցուցադրել է իսպանացի Խավյեր Ֆերնանդեսը (107,58), իսկ ճապոնացի Սոման Ունոն եզրափակել է լավագույն եռյակը (104,17)։ Փետրվարի 17-ին կայանալիք ազատ ծրագրի ուղեգիր են նվաճել 1-24-րդ տեղ գրաված գեղասահորդները։
Հիշեցնենք, որ Յուձյուրու Հանյուն ոսկե մեդալ էր նվաճել Սոչի-2014 Օլիմպիական խաղերում։ 2017-ին նա դարձել էր նաեւ Ֆինլանդիայի մայրաքաղաք Հելսինկիում կայացած աշխարհի առաջնության հաղթող։ Հելսինկիում 23-ամյա ճապոնացին կարճ եւ ազատ ծրագրերի հանրագումարում հավաքել էր 321.59 միավոր եւ սահմանել աշխարհի ռեկորդ:
Փհենչհան-2018-ում Հայաստանի վերջին ներկայացուցիչ Աշոտ Կարապետյանը փետրվարի 22 հանդես կգա լեռնադահուկային սպորտի հատուկ ոլորավայրէջքում։ Հայաստանի մյուս ներկայացուցիչներ, դահուկորդներ Միքայել Միքայելյանը եւ Կատյա Գալստյանն արդեն ավարտել են պայքարը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։