Հենրիխ Մխիթարյանի վիճակագրությունը եւ գնահատականը լոնդոնյան դերբիում

19:40   12 փետրվարի, 2018

Whoscored.com-ը ներկայացրել է Լոնդոնի «Արսենալի» նորեկ Հենրիխ Մխիթարյանի վիճակագրությունը «Տոտենհեմի» դեմ Անգլիայի առաջնության 27-րդ տուրի խաղում, որում Արսեն Վենգերի գլխավորած թիմը պարտվել էր նվազագույն հաշվով:

Լոնդոնյան դերբիում Հայաստանի հավաքականի ավագը դարպասի ուղղությամբ հարված չի կատարել։ Մխիթարյանի 24 փոխանցումներից թիմակիցներին հասել է 79.2 տոկոսը: 29-ամյա կիսապաշտպանը մեկական անգամ հաղթել է օդային պայքարում, շրջանցել մրցակցին եւ կասեցրել մրցակցի փոխանցումը: Հենրիխը մեկ անգամ հայտնվել է խաղից դուրս վիճակում։ Նա կանոնները չի խախտել, իսկ նրա դեմ պայքարում մրցակիցը թույլ է տվել 3 խախտում : Արդյունքում՝ նա ստացել է 6.26 գնահատականը, իսկ «Արսենալի» կազմում ամենաբարձրը գնահատվել է չեխ դարպասապահ Պետր Չեխի խաղը (8.15):

Հիշեցնենք, որ Լոնդոնի «Ուեմբլի» ստադիոնում կայացած խաղում Հենրիխ Մխիթարյանը «Արսենալի» մեկնարկային կազմում հանդես էր եկել 65 րոպե:

Ֆոտո՝ twitter.com/Arsenal



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։